Eskola trukeak
Mugaz gaindiko eskola trukeak ingurumenaren gainean
2005. urtetik, Euskal Eurohiria garatzeko mugaz gaindiko agentziak mugaz gaindiko eskola-trukeen programa bat antolatzen du urtero ingurumenaren gainean;
Euskal Eurohiriaren zabaldutako guneko bigarren hezkuntzako ikasleentzako programa da.
Gazteak Euskal Eurohiriaren eraikuntzan erabat integratzeko helburua duen proiektu honek, honako hau bilatzen du ere:
- Euskal Eurohiriko ikasleek ingurumeneko gaiei buruz duten sentsibilitatea areagotzea.
- Kultur trukea erraztea, taldeko lana eta informazioko teknologia berrien erabilera sustatzea harreman pertsonaletan.
- Ikasleak gure lurraldeak duen kultur eta hizkuntza aberastasunaren gainean kontzientziatzea, hiru hizkuntza ofizialen ikasketa eta erabilera sustatuz (euskara, frantsesa eta gaztelania).
- Eurohiriaren eraikuntzan parte hartzea, bertako proiektu garrantzitsuetan esku hartuz bereziki, eta oraindik dagoen buruko muga haustea.
2013-2014 ikasturtetik, eskola-trukeen programa REDVERT (Euskal Eurohiriaren Sare Berdea eta Urdina) Europako proiektuko 3. fasean sartuta dago, Espainia-Frantzia-Andorra Lurralde Lankidetzarako Programa Eragileak (POCTEFA) kofinantzatutakoa. Haren helburu nagusia da, eragile publikoei, eragile sozio-ekonomikoei eta, oro har, herritarrei Euskal Eurohiriaren lurraldeko biodibertsitateari lotutako gaiak ezagutzera ematea eta gai horiekiko erantzule egitea.
Eskola-trukeen programan sartzen dira:
- Ikasleei gelan proiektua aurkeztea,
- Mugaren bi aldeetan bi alderdiek elkarrekin egindako baterako bi lan-saio, gaua elkarrekin igaroz.
- Lanak maiatzeko kongresuan itzultzeko hirugarren egun bat.
- Mugaz gaindiko agentziak 2015eko ekainean antolatuko duen REDVERT kongresu profesionalean parte hartzea (eskola-trukeen programako ordezkariek beren proposamenak egiteko aukera izango dute Euskal Eurohiriaren biodibertsitatea zaintzeko).
Informazio gehiagorako:
- Eskola-trukeen programaren txostena kargatu, 2005. urtetik.
- Eskola-trukeen blogera sartu: elkartrukeak2013-2014.blogspot.com
© 2010 | Eurociudad Vasca - Baiona San Sebastián
webgunearen mantentzea: NOVALDI